曾幾何時，娃子同我講過佢每次見倒學校畢業典禮時有姐姐上台負責伴奏彈琴，之後帶住全校學生起立唱歌，覺得好型，夢想希望自己有日可以上台坐喺呢位姐姐個位度彈歌⋯ 但另一方面，佢又怕會比同學們紅眼，欺凌😎。
我答，世界上有好多鐘意你嘅人，也有好多唔鐘意你嘅人，就好似媽咪咁，唔妥媽咪嘅大有人在。若然咁care啲唔鐘意你嘅人而活，你嘅夢想就永遠唔會實現。唔鐘意你嘅人佢地就會放煙花⋯😏
娃子：嗯，明白。
上星期，娃子班主任喺班上問及，有冇同學自薦想上台伴奏？(三年難得機會終於來喇)
娃子諗左3秒後，
勇敢地舉起佢隻鶉春手來！(笑)
説：我彈！💪
全班同學即刻議論分分, 有人反對😑，有人讚成👏。反對的當然係鐘意玩欺凌嘅同學們吧，有D就鐘意乘機倒亂嘅曳精。但讃成嘅同學有唔少係娃子嘅好朋友，當中重有一位以前欺凌過娃子，改娃子花名做"春袋子"嘅女同學，後來比娃子溶化左而成為好友嘅K小朋友。感動！😭
最後，投票結果娃子勝出！
但最終重要睇下有冇其他高年班學生爭，如果有，就由校長對耳決定了。誰弾得好誰上台😎。
上星期五，娃子喺班主任手上取得琴譜，週末兩日自己秘密苦練，背倒九成譜了。希望當先生叫佢試彈時可彈得出成首完整無缺嘅歌啦！💪💪
為理想而努力，👏👏
娃娃加油呀，你好勇呀！
💪💪💪💪💪
Search